Google ADS

Merkel: Fondet brenda BE-së të lidhen me integrimin e emigrantëve

01:44 | 23 Shkurt 2018
Trina Galanxhi

Shpërndarja e fondeve të BE duhet të lidhet me gatishmërinë e vendeve anëtare për të pranuar dhe integruar migrantët, ka deklaruar kancelarja gjermane, Angela Merkel para një takimi informal në Bruksel, ku krerët e BE-së do të diskutojnë buxhetin e ardhshëm afatgjatë të bllokut.

“Me shpërndarjen e fondeve strukturore, ne duhet të sigurojmë që kriteret e alokimit në të ardhmen të reflektojnë angazhimin e shumë qarqeve dhe komunave në pranimin dhe integrimin e emigrantëve”, tha ajo, transmeton portali arbresh.info

“Solidariteti nuk mund të ndodhë në një rrugë një drejtimëshe”, tha Merkel.

Debati i ardhshëm mbi kuadrin financiar të bllokut midis viteve 2021 dhe 2027 do të jetë një shans për të parë financat e BE-së në tërësi, tha Merkel.

Ajo ka shtuar se largimi i Britanisë nga BE-ja do të thotë se bllokur duhet të përgatitet për ndryshime./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm